นิสชฺช ตตฺถ ภควา สุเมโธ โลกนายโก ธมฺมํ เม กถยิ พุทฺโธ โสกสลฺลวิโนทนํ ฯ อนวฺหตา ๑ ตโต อาคา ๒ นานุญฺญาตา อิโต คตา ยถา คตา ตถา คตา ตตฺถ กา ปริเทวนา ฯ ยถาปิ ปตฺติกา ๓ สตฺตา วสฺสมานาย วุฏฺฐิยา สภตฺเต ๔ อุปคจฺฉนฺติ วสฺสาย ๕ ปตนาย เต ฯ วสฺเสว ๖ เต โอรมิเต สมฺปยนฺติ ยทิจฺฉกํ เอวํ มาตา ปิตา ตุยฺหํ ตตฺถ กา ปริเทวนา ฯ อาคนฺตุกา ปาหุนกา จลิเตทิตกมฺปิกา ๗ เอวํ มาตา ปิตา ตุยฺหํ ตตฺถ กา ปริเทวนา ฯ ยถาปิ อุรโค ชิณฺณํ หิตฺวา คจฺฉติ สนฺตนน ๘ เอวํ มาตา ปิตา ตุยฺหํ สนฺตนน อิธ หิยฺยเร ฯ พุทฺธสฺส คิรมญฺญาย โสกสลฺลํ วิวชฺชยึ ปามุชฺชํ ชนยิตฺวาน พุทฺธเสฏฺฐํ อวนฺทหํ ฯ วนฺทิตฺวาน มหานาคํ คิริมญฺชริ ๙ ปูชยี ทิพฺพคนฺเธน สมฺปนฺนํ สุเมธํ โลกนายกํ ฯ ปูชยิตฺวาน สมฺพุทฺธํ สิเร กตฺวาน อญฺชลึ อนุสฺสรํ คุณคฺคานิ สนฺถวึ โลกนายกํ ฯ วิติณฺโณสิ ๑๐ มหาวีร สพฺพญฺญู โลกนายโก สพฺเพ สตฺเต อุทฺธเรสิ ญาเณน ตฺวํ มหามุเน ฯ #๑ ม. อนวฺหิตา ฯ ๒ ม. ยุ. อาคุํ ฯ ๓ ม. ยุ. ปถิกา ฯ ๔ ม. ยุ. สภณฺฑา ฯ #๕ ม. ยุ. วสฺสสฺสาปตนาย ... ฯ ๖ ยุ. วสฺเส เอเต ฯ ๗ ม. ยุ. จลิเตริตกมฺปิตา ฯ #๘ ม. สํ ตจํ ... ฯ ๙ ยุ. คิรปญฺชลึ ฯ ๑๐ ม. ยุ. นิตฺติณฺโณสิ ฯ