สมุทฺธรสิมํ โลกํ โอฆติณฺโณ มหามุนิ ญาณาโลเกน โชเตสิ ปวรํ ๑ ญาณมุตฺตมํ ฯ ธมฺมจกฺกํ ปวตฺเตสิ มทฺทเส ปรติตฺถิเย อุสโภ ชิตสงฺคาโม ๒ สมฺปกมฺเปสิ เมทนึ ฯ มหาสมุทฺเท อุมฺมีว ๓ เวลนฺตมฺหิ ปภิชฺชติ ๔ ตเถว ตว ญาณสฺมึ สพฺพทิฏฺฐิ ปภิชฺชติ ๕ ฯย สุขุมจฺฉิกชาลานิ ๖ สรมฺหิ สมฺปตานิ เต อนฺโตชาลิคตา ปาณา ปีฬิตา โหนฺติ ตาวเท ฯ ตเถว ติตฺถิยา โลเก มุฬฺหา ๗ สจฺจวินิสฺสิตา อนฺโตญาณวเร ตุยฺหํ ปริวตฺตนฺติ มาริส ฯ ปติฏฺฐา ว วุยฺหตํ โอเฆ ตฺวญฺหิ นาโถ อพนฺธุนํ ภยฏฺฐิตานํ สรโณ ๘ มุตฺตตฺถีนํ ปรายโน ๙ ฯ เอกจฺจโร ๑๐ อสทิโส เมตฺตากรุณสญฺญุโต ปญฺญวา ๑๑ ยุตฺตจาโค จ วสี ตาที คุณาลโย ฯ ธีโร วิคตสมฺโมโห อเนญฺโช อกถํกถี ตุสฺสิโต ๑๒ วนฺตโทโสสิ นิมฺมโล สํยโต สุจิ ฯ สงฺคาตีโต ๑๓ คตมโท เตวิชฺโชสิ ๑๔ ภวนฺตโค สีมาติโค ธมฺมครุ ตตตฺโถ หิตวปฺปโก ๑๕ ฯ #๑ ยุ. วชิร .. ฯ ๒ ยุ. ชิตสงฺคาเม ฯ ๓ ม. อูมิโย ฯ ๔-๕ ม. ยุ. ปภิชฺชเร ฯ #๖ ม. .. ชาเลน ฯ ยุ. ชาเลว ฯ ๗ ม. ปุถุปสณฺฑนิสฺสิตา ฯ ยุ. ผุฏา สจฺจ .. ฯ #๘ ม. สรณํ ฯ ๙ ม. ปรายนํ ฯ ๑๐ ม. ยุ. เอกวีโร ฯ ๑๑ ม. .. สญฺจโย ฯ ยุ. #เมตฺตาการุณาทิสญฺจโย ฯ ๑๒ ม. อสโม สุสโม สนฺโต วสี ตาที ชิตญฺชโย ฯ ยุ. #สุสีโล อสโม สนฺโต วสิตวิชิตญฺชโย ฯ ๑๓ ยุ. วุสิโต ฯ ๑๔ ยุ. สงฺคาติโค หตมโท ฯ #๑๕ ม. หิตวพฺภุโต ฯ ยุ. หิตธมฺมโต ฯ