ปริสฺสาวเน สุคเต ทตฺวา สุคเต ๑ ธมฺมกุตฺตเร ปญฺจานิสํเส อนุโภมิ กมฺมานุจฺฉวิเก มม ฯ สพฺเพสํ สมติกฺกมฺม ทิพฺพํ อายุํ ลภามหํ อปฺปสโยฺห สทา โหมิ โจรปจฺจตฺถิเกหิ วา ฯ สตฺเถน วา วิเสน วา วิเหสํปิ น กุพฺพเต อนฺตรามรณํ นตฺถิ เตสํ นิสฺสนฺทโต มม ฯ เตลธาเร สุคเต ทตฺวา สงฺเฆ คณวรุตฺตเม ปญฺจานิสํเส อนุโภมิ กมฺมานุจฺฉวิเก มม ฯ สุจารุรูโป สุภทฺโท ๒ สุสมุคฺคตมานโส อวิกฺเขปมโน โหมิ สพฺพารกฺเขหิ รกฺขิโต ฯ สูจิฆเร สุคเต ทตฺวา สงฺเฆ คณวรุตฺตเม ตีณานิสํเส อนุโภมิ กมฺมานุจฺฉวิเก มม ฯ เจโตสุขํ กายสุขํ อิริยาปถชํ สุขํ_ อิเม คุเณ ปฏิลภามิ ๓ ตสฺส นิสฺสนฺทโต อหํ ฯ อํสวทฺเธ ชิเน ทตฺวา สงฺเฆ คณวรุตฺตเม ตีณานิสํเส อนุโภมิ กมฺมานุจฺฉวิเก มม ฯ สทฺธมฺเม คาฬฺหํ ๔ วินฺทามิ สรามิ ทุติยํ ภวํ สพฺพตฺถ สุจฺฉวิ โหมิ ตสฺส นิสฺสนฺทโต อหํ ฯ กายพนฺเธ ชิเน ๕ ทตฺวา สงฺเฆ คณวรุตฺตเม ฉานิสํเส อนุโภมิ กมฺมานุจฺฉวิเก มม ฯ #๑ ยุ. สงฺเฆ คณุตฺตเม ฯ ม. ธมฺมกรุตฺตเม ฯ ๒ ยุ. สุคโต ฯ ๓ ม. ปฏิลเภ ฯ #๔ โป. พนฺธามิ ฯ ม. ยุ. คาธํ ฯ ๕ ยุ. สุคเต ฯ