สมฺมา มยฺหํปิ เทยฺยาถ ปุน พุทฺธํ ลภามหํ ปูเรตฺวา ตว สงฺกปฺปํ โภชยิตฺวา ตถาคตํ ฯ ปุน เทยฺยาสิ สมฺพุทฺธํ อานนฺทสฺส ยสสฺสิโน อกฺขทสฺเสภิวาเทตฺวา อานนฺทมปิ ๑ ขตฺติยํ ฯ ตุฏฺโฐ ปมุทิโต หุตฺวา สมฺพุทฺธํ อุปสงฺกมึ อุปสงฺกมฺม สมฺพุทฺธํ โอฆติณฺณํ อนาสวํ ฯ สิรสา อภิวาเทตฺวา อิทํ วจนมพฺรวึ วสีสตสหสฺเสหิ อธิวาเสหิ จกฺขุมา ฯ หาสยนฺโต มม จิตฺตํ นิเวสนมุเปหิ เม ปทุมุตฺตโร โลกวิทู อาหุตีนํ ปฏิคฺคโห ฯไ มม สงฺกปฺปมญฺญาย อธิวาเสสิ จกฺขุมา อธิวาสนมญฺญาย อภิวาทิย สตฺถุโน ฯ หฏฺโฐ อุทคฺคจิตฺโตหํ นิเวสนมุปาคมึ มิตฺตามจฺเจ สมาเนตฺวา อิทํ วจนมพฺรวึ ฯ สุทุลฺลโภ มยา ลทฺโธ มณิ โชติรโส ยถา เกน ตํ ปูชยิสฺสามิ ๒ อปฺปเมยฺโย อนูปโม ฯ อตุโล อสโม ธีโร ๓ ชิโน อปฺปฏิปุคฺคโล ตถาสมสโม เจว อทุติโย นราสโภ ฯ ทุกฺกรํ อธิการํ หิ พุทฺธานุจฺฉวิกํ มยา ๔ นานาปุปฺเผ สมาเนตฺวา กโรม ปุปฺผมณฺฑปํ ฯ #๑ ม. ยุ. อานนฺทญฺจาปิ ฯ ๒ ม. ยุ. ปูชยิสฺสาม ฯ ๓ ยุ. วีโร ฯ ๔ ยุ. ตยา ฯ