นฬกาเร อุปาคมฺม ฉตฺตํ กาเรสิ ตาวเท ฉตฺตสตสหสฺสานิ เอกโต สนฺนิปาตยึ ฯ ทุสฺสสตหสฺสานิ เอกโต สนฺนิปาตยึ ปตฺตสตสหสฺสานิ เอกโต สนฺนิปาตยึ ฯ วาสิโย สตฺถเก จาปิ สูจิโย นขเฉทเน เหฏฺฐา ฉตฺเต ฐปาเปสึ กาเรตฺวา ตทนุจฺฉเว ฯ วิธูปเน ตาลปณฺเณ ๑ โมรหตฺเถ จ จามเร ปริสฺสาวเน เตลธาเร การยึ ตทนุจฺฉเว ฯ สูจิฆเร อํสวทฺเธ อโถปิ กายพนฺธเน อาธารเก จ สุกเต การยึ ตทนุจฺฉเว ฯ ปริโภคภาชเน จ อโถปิ โลหถาลเก เภสชฺเช ๒ ปูรยิตฺวาน เหฏฺฐาฉตฺเต ฐเปสหํ ฯ วจํ อุสีรํ ลฏฺฐิมธธ ปิปฺผลิมริจานิ จ หรีตกึ สิงฺคิเวรํ สพฺเพ ปูเรสิ ภาชเน ฯ อุปาหนา ปาทุกาโย อโถ อุทกปุญฺฉเน กตฺตรทณฺเฑ สุกเต การยึ ตทนุจฺฉเว ฯ โอสถํ อญฺชนาปิจ ๓ สลากา ธมฺมกุตฺตรา กุญฺจิกา ปญฺจวณฺเณหิ สิพฺพิเต กุญฺจิกาฆเร ฯ อาโยเค ธูมเนตฺเต จ อโถปิ ทีปธารเก ตุมฺพเก จ กรณฺเฑ จ การยึ ตทนุจฺฉเว ฯ #๑ ม. ยุ. ตาลวณฺเฏ ฯ ๒ ยุ. เภสชฺชํ ฯ ๓ ม. ยุ. โอสธญฺชนนาฬี จ ฯ