อิตฺถํ สุทํ อายสฺมา อุทุมฺพรผลทายโก เถโร อิมา คาถาโย อภาสิตฺถาติ ฯ อุทุมฺพรผลทายกตฺเถรสฺส อปทานํ สมตฺตํ ฯ จตุตฺถํ มิลกฺขุผลทายกตฺเถราปทานํ (๓๘๔)

---

[๓๘๖] วนนฺตเร พุทฺธํ ทิสฺวา อตฺถทสฺสึ มหายสํ ปสนฺนจิตฺโต สุมโน มิลกฺขุสฺส ๑ ผลํ อทํ ฯ อฏฺฐารเส กปฺปสเต ยํ ผลํ อททึ ตทา ทุคฺคตึ นาภิชานามิ ผลทานสฺสิทํ ผลํ ฯ สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ กิเลสา ฌาปิตา มยฺหํ ภวา สพฺเพ สมูหตา นาโคว พนฺธนํ เฉตฺวา วิหรามิ อนาสโว ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา มิลกฺขุผลทายโก เถโร อิมา คาถาโย อภาสิตฺถาติ ฯ มิลกฺขุผลทายกตฺเถรสฺส อปทานํ สมตฺตํ ฯ #๑ ม. ยุ. ปิลกฺขสฺสาททึ ผลํ ฯ