องฺโกลโก กทมฺพี จ อุทฺทาลํ เอกจมฺปโก ติมิรํ สลฬญฺเจว คาถา ตาฬีสเมว จ ฯ มนฺทารวปุปฺผิยวคฺโค สตฺตตฺตึโส ฯ ______________ อฏฺฐตฺตึโส โพธิวนฺทนวคฺโค ปฐมํ โพธิวนฺทกตฺเถราปทานํ (๓๗๑)

---

[๓๗๓] ปาฏลึ ชลิตํ ๑ ทิสฺวา ปาทปํ ธรณีรุหํ เอกํสํ อญฺชลึ กตฺวา อวนฺทึ ปาฏลึ อหํ ฯ อญฺชลึ ปคฺคเหตฺวาน ครุํ กตฺวาน มานสํ อนฺโตสุทฺธํ พหิสุทฺธํ สุวิมุตฺตํ อนาสวํ ฯ วิปสฺสึ โลกมหิตํ กรุณาญาณสาครํ สมฺมุขา วิย สมฺพุทฺธํ อวนฺทึ ปาฏลึ อหํ ฯ เอกนวุเต อิโต กปฺเป ยํ โพธิมภิวนฺทิหํ ทุคฺคตึ นาภิชานามิ วนฺทนาย อิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา โพธิวนฺทโก เถโร อิมา คาถาโย อภาสิตฺถาติ ฯ โพธิวนฺทกตฺเถรสฺส อปทานํ สมตฺตํ ฯ #๑ ม. ยุ. หริตํ ฯ