อิตฺถํ สุทํ อายสฺมา อมฺพยาคุทายโก เถโร อิมา คาถาโย อภาสิตฺถาติ ฯ อมฺพยาคุทายกตฺเถรสฺส อปทานํ สมตฺตํ ฯ สตฺตมํ ปุฏกปูชกตฺเถราปทานํ (๓๕๗)

---

[๓๕๙] ทิวาวิหารา นิกฺขนฺโต วิปสฺสี โลกนายโก ภิกฺขาย วิจรนฺโต โส มม สนฺติกมุปาคมิ ฯ ตโต ปีติโต ๑ สุมโน พุทฺธเสฏฺฐสฺส ตาทิโน โลณสุปุฏกํ ทตฺวา กปฺปํ สคฺคมฺหิ โมทหํ ฯ เอกนวุเต อิโต กปฺเป ยํ ปุฏกมทาสหํ ๒ ทุคฺคตึ นาภิชานามิ ปุฏกสฺส ๓ อิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปุฏกปูชโก ๔ เถโร อิมา คาถาโย อภาสิตฺถาติ ฯ ปุฏกปูชกตฺเถรสฺส อปทานํ สมตฺตํ ฯ อฏฺฐมํ วจฺฉทายกตฺเถราปทานํ (๓๕๘)

---

[๓๖๐] วิปสฺสิโน ภควโต โลกเชฏฺฐสฺส ตาทิโน เอกวจฺโฉ ๕ มยา ทินฺโน ปสนฺเนน สปาณินา ฯ #๑ ม. ยุ. ปติโต ฯ ๒ โป. ปุถุกตมทาสหํ ฯ ยุ. สุปุฏกมทาสหํ ฯ #๓ โป. ปุถุกตสฺส ฯ ยุ. สุปุฏกสฺส ฯ ๔ ม. ยุ. สุปุฏกปูชโก ฯ ๕ ม. เอกํ มญฺจํ #มยา ทินฺนํ ฯ ยุ. ... สชฺฌํ ... ฯ