อิตฺถํ สุทํ อายสฺมา ติณมุฏฺฐิทายโก เถโร อิมา คาถาโย อภาสิตฺถาติ ฯ ติณมุฏฺฐิทายกตฺเถรสฺส อปทานํ สมตฺตํ ฯ นวมํ ตินฺทุกผลทายกตฺเถราปทานํ (๓๔๙)

---

[๓๕๑] กณิการํว โชตนฺตํ นิสินฺนํ ปพฺพตนฺตเร อทฺทสํ วิรชํ พุทฺธํ โอฆติณฺณมนาสวํ ฯ ตินฺทุกํ สผลํ ทิสฺวา ภินฺทิตฺวาน สโกฏิกํ ๑ ปสนฺนจิตฺโต สุมโน เวสฺสภุสฺส ๒ อทาสหํ ฯ เอกนวุเต อิโต กปฺเป ยํ ผลํ อททึ ตทา ทุคฺคตึ นาภิชานามิ ผลทานสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ตินฺทุกผลทายโก เถโร อิมา คาถาโย อภาสิตฺถาติ ฯ ตินฺทุกผลทายกตฺเถรสฺส อปทานํ สมตฺตํ ฯ ทสมํ เอกญฺชลิยตฺเถราปทานํ (๓๕๐)

---

[๓๕๒] เรวโต ๓ นาม สมฺพุทฺโธ นทีกูเล วสี ตทา อทฺทสํ วิรชํ พุทฺธํ ปีตรํสีว ภาณุมํ ฯ #๑ ม. สโกสกํ ฯ โป. ยุ. สโกฏกํ ฯ ๒ ม. สยมฺภุสฺส มทาสหํ ฯ #๓ ม. ยุ. โรมโส นาม ฯ