อิตฺถํ สุทํ อายสฺมา จมฺปกปุปฺผิโย เถโร อิมา คาถาโย อภาสิตฺถาติ ฯ จมฺปกปุปฺผิยตฺเถรสฺส อปทานํ สมตฺตํ ฯ} สตฺตมํ ปทุมปูชกตฺเถราปทานํ (๓๔๗)

---

[๓๔๙] หิมวนฺตสฺสวิทูเร โรมโส นาม ปพฺพโต พุทฺโธ จ ๑ โสภิโต นาม อพฺโภกาเส วสี ตทา ฯ ภวนา นิกฺขมิตฺวาน ปทุมํ ธารยึ อหํ เอกาหํ ธารยิตฺวาน ปุนพฺภวํ อุปาคมึ ฯ เอกนวุเต อิโต กปฺเป ยํ ปุปฺผํ อภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปทุมปูชโก เถโร อิมา คาถาโย อภาสิตฺถาติ ฯ ปทุมปูชกตฺเถรสฺส อปทานํ สมตฺตํ ฯ เตรสมํ ภาณวารํ ฯ อฏฺฐมํ ติณมุฏฺฐิทายกตฺเถราปทานํ (๓๔๘)

---

[๓๕๐] หิมวนฺตสฺสวิทูเร ลมฺพโก นาม ปพฺพโต อุปติสฺโส นาม สมฺพุทฺโธ อพฺโภกาสมฺหิ จงฺกมิ ฯ #๑ ม. ยุ. พุทฺโธปิ สมฺภโว นาม ฯ