ปธานํ ปหิตตฺโตมฺหิ อุปสนฺโต นิรูปธิ นาโคว พนฺธนํ เฉตฺวา วิหรามิ อนาสโว ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา นฬาคาริโก เถโร อิมา คาถาโย อภาสิตฺถาติ ฯ นฬาคาริกตฺเถรสฺส อปทานํ สมตฺตํ ฯ ฉฏฺฐํ จมฺปกปุปฺผิยตฺเถราปทานํ (๓๔๖)

---

[๓๔๘] หิมวนฺตสฺสวิทูเร ฉาปโล ๑ นาม ปพฺพโต พุทฺโธ สุทสฺสโน นาม วิหาสิ ปพฺพตนฺตเร ฯ ปุปฺผํ เหมวณฺณํ ๒ คยฺห คจฺฉํ เวหายเสนหํ ๓ อทฺทสํ วิรชํ พุทฺธํ โอฆติณฺณมนาสวํ ฯ สตฺตจมฺปกปุปฺผานิ สีเส กตฺวานหํ ตทา พุทฺธสฺส อภิโรเปสึ สยมฺภุสฺส มเหสิโน ฯ เอกตฺตึเส อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ #๑ ม. ชาปโล นาม ฯ ยุ. จาวโล นาม ฯ ๒ ม. เหมวนฺตํ ฯ ยุ. เหมวตํ ฯ #๓ ยุ. เวหาสเยนหํ ฯ