ตสฺสาหํ วจนํ สุตฺวา พุทฺเธ จิตฺตํ ปสาทยึ อภิวาเทตฺวาปิ ๑ สมฺพุทฺธํ ตตฺถ กาลํ กโต อหํ ฯ อุปปชฺชึ ส ตตฺเถว สุกฺกมูเลน โจทิโต กปฺปานํ สตสหสฺสํ ทุคฺคตึ นูปปชฺชหํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา เอกจินฺติโก เถโร อิมา คาถาโย อภาสิตฺถาติ ฯ เอกจินฺติกตฺเถรสฺส อปทานํ สมตฺตํ ฯ อฏฺฐมํ ติกณฺณิปุปฺผิยตฺเถราปทานํ (๑๘๘)

---

[๑๙๐] เทวภูโต อหํ สนฺโต อจฺฉราหิ ปุรกฺขโต ปุพฺพกมฺมํ สริตฺวาน พุทฺธเสฏฺฐํ อนุสฺสรึ ฯ ติกณฺณิปุปฺผํ ปคฺคยฺห สกํ จิตฺตํ ปสาทยึ พุทฺธมฺหิ ๒ อภิโรเปสึ วิปสฺสิมฺหิ นราสเภ ฯ เอกนวุเต อิโต กปฺเป ยํ ปุปฺผํ อภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ เตสตฺตติมฺหิโต กปฺเป จตุโรสุํ ๓ รมุตฺตมา สตฺตรตนสมฺปนฺนา จกฺกวตฺตี มหพฺพลา ฯ #๑ ม. ยุ. ตํ ธีรํ อภิวาเทตฺวา ฯ ๒ ยุ. พุทฺธสฺส ฯ ๓ ยุ. จตุราสุํ นรุตฺตมา ฯ #ม. จตุราสุํ รมุตฺตมา ฯ